Superlibri

Mësimi:

Kur bëni diçka të gabuar ndaj dikujt, kërkojini falje.

Pjesë shtesë

• Profilet e personazheve

  • Jakobi (I Ri)

    Zbuloni më shumë
    

    Jakobi (I Ri)

    

    Jakobi, emri i të cilit do të thotë "zë vendin", lindi duke mbajtur me dorë thembrën e Esaut (kjo quhet një skuadër luftëtarësh!). Jakobi e shkëmbeu supën e tij me parëbirninë e vëllait të tij, Esaut. Ai u bë shumë i pasur dhe më pas rifitoi marrëdhënien me të vëllanë. Në Peniel, Perëndia i dha Jakobit emrin "Israel", që do të thotë "princi i Perëndisë". Kur në vend ra zia e bukës, Jakobi shkoi të jetonte në Egjipt, ku biri i tij, Jozefi ishte mëkëmbës i Faraonit.

    • Referencat biblike

      • Zanafilla 28:15
      • Zanafilla 25:23
      • Zanafilla 25:29-34
      • Zanafilla 27
      • Zanafilla 28
      • Zanafilla 29
      • Zanafilla 31
      • Zanafilla 32
      • Zanafilla 32:28
      • Zanafilla 33
      • Zanafilla 42
      • Zanafilla 49

  • Esau

    Zbuloni më shumë
    

    Esau

    

    Kur lindi, Esaut i vunë këtë emër, që do të thotë "leshtor", sepse ai ishte shumë i kuq dhe plot me qime, si një mantel leshtor. Esau lindi përpara vëllait të tij binjak, Jakobit, i cili mbante me dorë thembrën e këmbës së tij. Ai u rrit si një njeri fshatarak dhe u bë një gjahtar i sprovuar. Esau ia "shiti" parëbirninë e tij Jakobit për një supë. Esau dhe Jakobi qëndruan të ndarë nga njëri-tjetri për shumë vjet, por Esau e fali dhe ata u pajtuan.

    • Referencat biblike

      • Hebrenjve 12:16
      • Zanafilla 25:25
      • Zanafilla 36:1
      • Zanafilla 25:27
      • Zanafilla 25:28
      • Zanafilla 25:30-34
      • Zanafilla 26:34-35
      • Zanafilla 32
      • Zanafilla 33

  • Isaku

    Zbuloni më shumë
    

    Isaku

    

    Isaku, emri i të cilit do të thotë "ai qesh", ishte djali i vetëm i Abrahamit dhe Sarës. Perëndia e bekoi Isakun dhe ai u bë i pasur. Ai ishte njeri i paqes dhe kur Filistejtë ziliqarë i zunë puset e tij, ai i shmangu mosmarrëveshjet. Në vend që të luftonte, ai thjesht u largua dhe hapi puse të tjerë. Isaku vdiq në moshën 180 vjeçare, pasi Jakobi me familjen e tij u kthyen nga Mesopotamia.

    • Referencat biblike

      • Zanafilla 26:23-25
      • Zanafilla 22
      • Zanafilla 23:1
      • Zanafilla 24
      • Zanafilla 26:1
      • Zanafilla 26:10-11
      • Zanafilla 26:23-25
      • Zanafilla 35:27-29

  • Rebeka

    Zbuloni më shumë
    

    Rebeka

    

    Kur gruaja e Isakut, Rebeka, mbeti shtatzënë me binjakët, ajo u lut për foshnjat që shtynin njëri-tjetrin në barkun e saj. Perëndia i tregoi asaj se binjakët do të bëheshin dy kombe rivale, dhe që më i madhi do t'i shërbente më të voglit. Në vend që t'i besonte Perëndisë, ajo filloi të bënte plane për djalin e saj të preferuar, Jakobin. Pasi vdiq, atë e varrosën në shpellën e Makpelahut.

    • Referencat biblike

      • Zanafilla 25:22
      • Zanafilla 24
      • Zanafilla 25:19-26
      • Romakëve 9:10-12
      • Zanafilla 25:27-34
      • Zanafilla 27:1-40
      • Zanafilla 27:41-46
      • Zanafilla 49:30-31

• Video

  Jakobi Merr të Drejtën e Parëbirnisë së Esaut

  • 

    Jakobi Merr të Drejtën e Parëbirnisë së Esaut

  • 

    Esau Pajtohet me Jakobin

  • 

    Isaku Bekon Jakobin

  • 

    Jakobi e Quan Vendin Peniel

  • 

    Rebeka Tregon për Jakobin dhe Esaun

  • 

    Jakobi Ndeshet me Perëndinë

  • 

    Jakobi dhe Esau - Poema e Shpëtimit

  • 

    Rebeka Nxit Mashtrimin

• P & P

  • Çfarë na mëson Bibla për veçantinë e dy njerëzve si Jakobi dhe Esau?

    A nuk është e mahnitshme se si dy njerëz asnjëherë nuk kanë të njëjtat shenja gishtërinjsh? Perëndia e ka krijuar gjithësecilin prej nesh në mënyrë unike. Edhe para se të lindnit, Perëndia dinte gjithçka rreth jush (Psalmi 139:13-16). Ngazëllohuni për shumëllojshmërinë e njerëzve, pranoni ndryshimet mes tyre dhe falenderojeni Perëndinë për atë që ju bën unikë.
    
    
    
    Zbuloni dashurinë dhe planin e Perëndisë për ju

    • Psalmet 139:13-16

  • Në ç'mënyrë historia e Jakobit dhe Esaut na tregon se veprimet tona kanë pasoja?

    Të gjitha veprimet kanë pasoja, qofshin ato të mëdha ose të vogla, të mira ose të këqija, afatshkurtra ose afatgjata. “Nëse …atëherë” është një parim “shkak-pasojë” në jetë që ne e shohim të ilustruar kudo në Bibël. Në fillim, veprimet e Adamit dhe Evës patën pasoja, që prekën çdo njeri – përfshirë juve. Veprimet tuaja nuk ju prekin vetëm juve, por edhe të tjerët. Përpiquni të sillni ndërmend disa pasoja të mundshme para se të veproni.
    
    
    
    Zbuloni dashurinë dhe planin e Perëndisë për ju

    • Zanafilla 3:16-19

  • A duhet të kërkoni falje kur i bëni diçka të gabuar dikujt?

    Perëndia na fal shpejt – por ne nuk i falim gjithmonë shpejt të tjerët. Bibla na mëson se Perëndia është një Perëndi që fal. Kur ne kërkojmë faljen e Tij, Ai ka premtuar se do të na falë (1 Gjonit 1:9). Jezusi foli shumë për faljen kur jetoi në tokë dhe e vuri shumë shpesh në pah rëndësinë e saj. Ai tha: “Falni dhe do të jeni të falur” (Luka 6:37). Gjithashtu, tek Shëmbëlltyra e Huadhënësit Ai na paralajmëron për pasojat e mosfaljes (Mateu 18:23-35). Shëmbëlltyra e Djalit të Humbur (Luka 15) e vë theksin tek pendimi, por gjithashtu na tregon se ne duhet të përpiqemi dhe të kërkojmë falje nëse kemi bërë një padrejtësi ndaj dikujt.
    
    
    
    Zbuloni dashurinë dhe planin e Perëndisë për ju

    • 1 Gjonit 1:9
    • Luka 6:37
    • Mateu 18:23-35
    • Luka 15

  • Si mund të jetë falja dhuratë?

    Falja është një dhuratë që ju mund ta jepni ose merrni. Ajo është një dhuratë që ju bën të lirë nga frika, zemërimi, madje edhe nga hakmarrja. Bibla na mëson se duhet të "jemi të dashur, të butë, duke e falur njëri-tjetrin, ashtu si Perëndia na ka falur në Krishtin” (Efesianëve 4:32). Jezusi jep një mësim të rëndësishëm në lidhje me mosfaljen: “Sepse në qoftë se ju ua falni njerëzve gabimet e tyre, Ati juaj qiellor do t'jua falë edhe juve; por në qoftë se ju nuk ua falni njerëzve gabimet e tyre, as Ati juaj nuk do t'ua falë juve gabimet tuaja” (Mateu 6:14-15). Ruajeni këtë mësim sepse, ashtu si me çdo dhuratë, ju jeni ata që vendosni nëse do falni apo jo.
    
    
    
    Zbuloni dashurinë dhe planin e Perëndisë për ju

    • Efesianëve 4:32
    • Mateu 6:14-15

  • Në ç'mënyrë jeta e Jakobit na tregon se ne nuk mund të shkojmë askund larg Perëndisë?

    Në atë kohë, njerëzit besonin se perënditë e tyre gjendeshin vetëm në vendet ku ata jetonin. Megjithatë, Jakobi mësoi se Perëndia gjendet kudo. Kur ai po ia mbathte nga vëllai i tij, ëndrra që pa, e ndihmoi të kuptonte se Perëndia ishte ende me të. Ju mund t'ja mbathni nga njerëzit, por nuk mund t'ja mbathni ose t'i fshiheni Perëndisë. Perëndia ka premtuar se do jetë gjithmonë me ju.
    
    
    
    Zbuloni dashurinë dhe planin e Perëndisë për ju

    • Zanafilla 28:10-21