Superlibri

Mësimi:

Pavarësisht se sa të këqij jeni apo se sa gjëra keni bërë, Perëndia mund t'ju ndihmojë të ndryshoni.

Pjesë shtesë

• Profilet e personazheve

  • Sauli/Pali

    Zbuloni më shumë
    

    Sauli/Pali

    

    Sauli ishte biri i një Fariseu (Acts:23:6) dhe lindi në Tars, një qytet i rëndësishëm grek. Kur u rrit u bë një studiues i shkëlqyer i ligjit dhe i zakoneve hebraike, dhe kishte një të ardhme të artë si një nga Farisenjtë drejtues. Sauli kërkonte të krishterët me qëllim që t'i persekutonte, por Jezusi e kërkoi Saulin dhe e ndryshoi jetën e tij përgjithmonë. Nëpërmjet këtij takimi me Jezusin, emri i Saulit u kthye në Pal dhe kështu lindi misionari më i madh i krishtërimit.

    • Referencat biblike

      • Filipianëve 1:20-21
      • Veprat e Apostujve 23:6
      • Veprat e Apostujve 13:9
      • Veprat e Apostujve 13:21
      • Veprat e Apostujve 19
      • Veprat e Apostujve 17
      • Veprat e Apostujve 21
      • Veprat e Apostujve 27
      • Veprat e Apostujve 28

  • Stefani

    Zbuloni më shumë
    

    Stefani

    

    Stefani ishte një nga shtatë dhjakët e parë të kishës së hershme. Dhjakët ishin burra që zgjidheshin për të mbikëqyrur ndarjen e ushqimit ndaj të krishterëve në nevojë me prejardhje greke (Veprat e Apostujve 6:5). Stefani u mbush me Frymën e Shenjtë, predikoi për Krishtin dhe kritikoi besimin dhe zakonet hebraike. Këto fjalë i zemëruan shumë drejtuesit e fuqishëm mes hebrenjve, ndaj ata përfunduan duke e vrarë Stefanin. Stefani u bë martiri i parë i krishterë i cili dha jetën e tij për ungjillin.

    • Referencat biblike

      • Veprat e Apostujve 7:59-60
      • Veprat e Apostujve 6:5
      • Veprat e Apostujve 7:57-58
      • Veprat e Apostujve 8:1-3

  • Anania

    Zbuloni më shumë
    

    Anania

    

    Emri "Anania" do të thotë "Perëndia është i hirshëm". Ai ishte një besimtar i krishterë që jetonte në Damask në kohën kur Sauli takoi Jezusin rrugës. Prej vegimit që ai mori nga Perëndia, Anania shkoi tek Sauli, e përshëndeti si një vëlla, vuri duart mbi të dhe i shpjegoi kuptimin e asaj që i kishte ndodhur rrugës për Damask. Shikimi i Saulit u restaurua mrekullisht dhe ai u pagëzua (Veprat e Apostujve 22:12-16).

    • Referencat biblike

      • Veprat e Apostujve 9:15
      • Veprat e Apostujve 9:13-16
      • Veprat e Apostujve 22:12-16

  • Kryeprifti

    Zbuloni më shumë
    

    Kryeprifti

    

    Kryepriftërinjtë dhe priftërinjtë më të pushtetshëm kryesisht ishin Saducenj (Veprat e Apostujve 5:17), një grup hebre fetar i përbërë më së shumti nga pronarë tokash, tregtarë dhe priftërinj. Saducenjtë e kundërshtuan Jezusin gjatë shërbesës së Tij (Mateu 22:23-24) dhe gjithashtu kundërshtuan edhe kishën e hershme (Veprat e Apostujve 4:1-3; Veprat e Apostujve 5:17-18).

    • Referencat biblike

      • Veprat e Apostujve 5:17
      • Veprat e Apostujve 5:17
      • Mateu 22:23-24
      • Veprat e Apostujve 4:1-3
      • Veprat e Apostujve 5:17-18

  • Kalebi

    Zbuloni më shumë
    

    Kalebi

    

    Kalebi ishte shoku imagjinar i Krisit, Xhoit dhe Gizmos, i cili i ndihmoi ata t'ia mbathnin nga Sauli. Ai gjithashtu ndau historinë e martirizimit të Stefanit dhe e ndihmoi Xhoin dhe Gizmon rrugës për Damask.

    • Referencat biblike

      • Mateu 18:4

• Video

  Rruga Për Damask - Poema e Shpëtimit

  • 

    Rruga Për Damask - Poema e Shpëtimit

  • 

    Pali

  • 

    Anania

  • 

    Kalebi

  • 

    Kryeprifti

  • 

    Stefani

• P & P

  • Si u fuqizua Stefani për të ndarë dashurinë e Peërndisë, madje edhe me ata që e vranë atë?

    Si ndjekës i Jezusit, Stefani ishte pagëzuar me Frymën e Shenjtë. Para se Jezusi të ngjitej në qiell, Ai iu premtoi ndjekësve të Tij se do të merrnin Frymën e Shenjtë, që do t'i fuqizonte ata t'iu tregonin njerëzve ngado për Të. Ky premtim u përmbush Ditën e Rrëshajëve. Dishepujt ndryshuan, fituan fuqi. Të gjithë të krishterët kanë fuqinë e Perëndisë. Edhe ju e keni atë fuqi nëse jeni ndjekës të Krishtit!
    
    
    Zbuloni dashurinë dhe planin e Perëndisë për ju

    • Veprat e Apostujve 1:8
    • Veprat e Apostujve 2:1-47

  • Si e tregon jeta e Palit që të shkuarit pas Jezusit mund të shkaktojë vuajtje?

    Në fakt, ka dy mënyra. Para se Pali të bëhej një ndjekës i Krishtit, ai i përndiqte të krishterët. Për shkak të besimit, pasi filloi të ndiqte Jezusin, ai vetë u përndoq nga të tjerë. Kthimi në të krishterë ju siguron një të ardhme të përjetshme me Perëndinë në parajsë, por nuk ju siguron një jetë pa vështirësi apo persekutim në tokë. Të krishterët e hershëm vuajtën persekutime të mëdha për shkak se besuan tek Jezus Krishti, Biri i Perëndisë. Vetë Jezusin e arrestuan, e rrahën dhe e vunë të vdiste në një kryq. Ju mund të mos përjetoni persekutime që ju kërcënojnë jetën, por mund të përjetoni talljet e njerëzve, duke iu lënë jashtë rrethit të tyre të miqësisë, dhe t'ju ngacmojnë dhe përqeshin për shkak se jeni një ndjekës i Jezusit. Jezusi tha: "Lum ata që janë përndjekur për hir të drejtësisë, sepse e tyre është mbretëria e qiejve" (Mateu 5:10).
    
    
    Zbuloni dashurinë dhe planin e Perëndisë për ju

    • Mateu 5:10

  • Si e tregon historia e kthimit të Palit që ne kemi nevojë të ndjekim Jezusin dhe jo një fe?

    Disa njerëz janë aq të dhënë pas fesë sa nuk arrijnë ta dëgjojnë atë që Jezusi në të vërtetë iu thotë. Sauli ishte një ndjekës i fortë dhe i zjarrtë i ligjeve dhe zakoneve fetare. Megjithatë, Jezusi e takoi atë rrugës për Damask dhe Sauli mësoi që në vend që të ndiqte fenë, duhet të ndiqte Jezusin. Të ndjekësh Jezusin do të thotë të kesh një marrëdhënie personale me Të, jo të ndjekësh një numër të caktuar rregullash.
    
    
    Zbuloni dashurinë dhe planin e Perëndisë për ju

    • Veprat e Apostujve 9:1-43

  • Si e tregon jeta e Ananias që bindja është e rëndësishme?

    Imagjinoni sikur Anania të mos i ishte bindur urdhërit të Perëndisë kur Ai i tha: "Shko!" Sauli nuk do të ishte bërë besimtar dhe mesazhi i Ungjillit nuk do të ishte sjellë tek "johebrenjtë, mbretërit dhe bijtë e Izraelit" (Veprat e Apostujve 9:15). Sauli, që më pas u quajt Pal, mund të mos i kishte shkruar letrat e shumta që ne kemi në Dhjatën e Re. Anania dëgjoi – dhe u bind. Për shkak të kësaj, historia ndryshoi. Kur Perëndia iu jep një urdhër, binduni!
    
    
    Zbuloni dashurinë dhe planin e Perëndisë për ju

    • Veprat e Apostujve 9:15

  • Si mund t'i inkurajojë historia e konvertimit në besim të Palit ata që mendojnë se janë shumë të këqij për t'u bërë të krishterë?

    Perëndia dëshiron që ju ta ndiqni Atë dhe jo të ecni në rrugën tuaj. Ai mund t'ju ndihmojë të ndryshoni drejtim. Gjithashtu mund t'ju ndihmojë të ndryshoni gjithçka që duhet ndryshuar në jetën tuaj për t'i sjellë Atji lavdi; mund të jenë besimet, mendimet, qëndrimet, zakonet dhe sjelljet tuaja. Me fuqinë e Perëndisë jeta e Saulit u ndryshua plotësisht. Perëndia mund t'ju ndihmojë edhe juve që të ndryshoni!
    
    
    Zbuloni dashurinë dhe planin e Perëndisë për ju

    • Romakëve 3:23-24