Superlibri

Mësimi:

Jezusi është Mbreti i vërtetë sepse Ai shërben dhe na kërkon të bëjmë të njëjtën gjë.

Pjesë shtesë

• Profilet e personazheve

  • Juda Iskarioti

    Zbuloni më shumë
    

    Juda Iskarioti

    

    Juda Iskarioti ishte një nga 12 dishepujt e Jezusit. Ai u caktua si ruajtës i thesarit për dishepujt, por nuk e kuptoi që mbretëria e Jezusit ishte qiellore dhe jo tokësore, ndaj u zhgënjye dhe u bë mashtrues. Pas darkës së Pashkës, Juda e tradhtoi Jezusin. Për shkak të fajit që ndiente për sjelljen e tij, ai vrau veten (në vend që t'i kërkonte Jezusit ta falte).

    • Referencat biblike

      • Luka 22:3-4
      • Gjoni 6:71
      • Luka 6:16
      • Gjoni 12:6
      • Gjoni 13:29
      • Mateu 26:14-16
      • Mateu 27:3-10
      • Veprat e Apostujve 1:26

  • Gjoni (I ri)

    Zbuloni më shumë
    

    Gjoni (I ri)

    

    Para se Jezusi ta thërriste për të qenë një dishepull, ai ishte një peshkatar (Mateu 4:18-22, Marku 1:16-20). Marrëdhënia e Gjonit me Jezusin ishte aq e ngushtë sa ai u quajt "dishepulli që Jezusi e donte”. Gjoni shkroi Ungjillin e Gjonit, Letrat 1 Gjonit, 2 Gjonit, 3 Gjonit dhe Librin e Zbulesës.

    • Referencat biblike

      • Gjoni 13:34-35
      • Mateu 4:18-22
      • Marku 1:16-20
      • Marku 5:37
      • Luka 9:28-29
      • Marku 3:17
      • Gjoni 19:26-27
      • Gjoni 20:31
      • Zbulesa 1:9-11

  • Gruaja Mëkatare

    Zbuloni më shumë
    

    Gruaja Mëkatare

    

    Kjo grua e dinte që kishte mëkatuar dhe që kishte nevojë për falje. Mirënjohja për faljen që kishte marrë u tregua me anë të kujdesjes së saj të jashtëzakonshme ndaj Jezusit duke i larë këmbët e Tij me lotët e saj, flokët dhe parfumin e shtrenjë (Luka 7:44-48).

    • Referencat biblike

      • Luka 7:50
      • Luka 7:36-50
      • Psalmet 51:17

  • Pjetri

    Zbuloni më shumë
    

    Pjetri

    

    Pjetri ishte një nga dymbëdhjetë dishepujt e Jezusit. Ai ishte peshkatar në Detin e Galilesë. Kur Jezusi e thirri Pjetrin që ta ndiqte, jeta e tij mori krejtësisht një drejtim tjetër. Ai u bë "peshkatar njerëzish". Pjetri ishte dishepulli i parë që la barkën për të ecur me Jezusin dhe gjithashtu i pari që e njohu Atë si Mesian. Më pas, Pjetri u bë udhëheqësi i kishës së parë.

    • Referencat biblike

      • Mateu 16:18
      • Mateu 16:17
      • Gjoni 1:42
      • Marku 1:21
      • Gjoni 1:44
      • Mateu 16:17-19
      • Marku 1:29-31
      • Mateu 8:14-15
      • 1 Korintasve 9:5
      • Luka 5:10
      • Mateu 4:18-20
      • Marku 3:14-16
      • Marku 1:36
      • Luka 22:32
      • Mateu 14:28
      • Mateu 18:21
      • Mateu 16:13-17
      • Gjoni 18:10
      • Luka 22:31-34
      • Gjoni 21
      • Veprat e Apostujve 2:14-41
      • Veprat e Apostujve 3:12-26
      • Veprat e Apostujve 3:1-11
      • Veprat e Apostujve 5:12-16
      • Veprat e Apostujve 12:6-19
      • Veprat e Apostujve 10
      • Veprat e Apostujve 15
      • Galatasve 2
      • 1 Pjetrit 1
      • 2 Pjetrit 1

  • Jezusi

    Zbuloni më shumë
    

    Jezusi

    

    Në Bibël Jezusi shfaqet si Biri i Perëndisë. Atij iu dha ky titull për herë të parë nga Gabrieli, i cili i foli Marisë duke i thënë: “Prandaj i shenjti që do të lindë prej teje do të quhet Bir i Perëndisë” (Luka 1:35). Pasi Jezusi u pagëzua nga Gjoni, Perëndia tha: “Ky është Biri im i dashur, në të cilin jam kënaqur.”. Duke qenë Bir i Perëndisë, Jezusi ishte i plotfuqishëm mbi tokë. Ai shëroi të sëmurët, dëboi demonët, eci mbi ujëra, qetësoi detin dhe kishte autoritet të falte mëkatet.

    • Referencat biblike

      • Gjoni 3:16
      • Luka 1:35
      • Mateu 3:16-17
      • Zanafilla 1:1
      • Zbulesa 19:13
      • Gjoni 1:1-5
      • Gjoni 14:9
      • Marku 2:5-12
      • Gjoni 3:16
      • Gjoni 14:6
      • Gjoni 14:3
      • Veprat e Apostujve 1:11
      • Zbulesa 19:13

  • Centurioni Romak

    Zbuloni më shumë
    

    Centurioni Romak

    

    Ky Centurion Romak përfaqësonte autoritetin civil që Roma kishte mbi Jerusalemin. Ata ishin ushtarë veteranë që komandonin 100 burra. Tek Mateu 27:50-54 shohim që në kryqëzimin e Jezusit ishte i pranishëm një centurion dhe ai tha që Jezusi ishte Biri i Perëndisë!

    • Referencat biblike

      • Mateu 27:54
      • Mateu 27:50-54

• Video

  Darka e Fundit - Poema e Shpëtimit

  • 

    Darka e Fundit - Poema e Shpëtimit

  • 

    Centurioni Duke Parë Jezusin

  • 

    Darka e Parë e Shenjtë

  • 

    Gruaja Mëkatare

  • 

    Gjoni Diskuton Me Dishepujt

  • 

    Juda Tradhton Jezusin

  • 

    Këmbyes

  • 

    Tempulli në Jeruzalem

  • 

    Jezusi Gjatë Darkës së Fundit

  • 

    Jezusi Lutet

• P & P

  • Çfarë thotë Bibla mbi përulësinë?

    Ndonjëherë është e vështirë të mos jeni krenar, veçanërisht kur njerëzit vënë në dukje gjërat në të cilat jeni të zotë. Tek 1 Pjetrit 3:8, Pjetri i inkurajon të gjithë të krishterët të “mbajnë një qëndrim me përulësi”. Përulësia është një karakteristikë ose vlerë që e kënaq Perëndinë. Zemërkrenari është i neveritshëm për Të (Fjalët e Urta 16:5). Te Luka 18:14 Jezusi tha që kush përulet do të lartësohet. Te Romakët 12:3, ju inkurajoheni "të mos mendoni më lart sesa duhet të mendoni”. Mos u shtirni dhe mos u përpiqni të tregoni se jeni më të mirë se të tjerët.
    
    
    
    Zbuloni dashurinë dhe planin e Perëndisë për ju

    • 1 Pjetrit 3:8
    • Fjalët e Urta 16:5
    • Luka 18:14
    • Romakëve 12:3

  • Si duhet të sillemi në kishë dhe në praninë e Perëndisë?

    Njerëzit që besojnë tek Jezusi quhen "kisha" e Tij, dhe Perëndia premton të jetë i pranishëm në Frymë atje ku kisha e Tij mblidhet. Shpesh ne zgjedhim vende të veҫanta dhe ndërtesa ku kisha mund të mblidhet dhe të adhurojë Perëndinë -- këtë vend e quajmë gjithashtu, “kishë”! Si të krishterë ne mund ta respektojmë dhe nderojmë Perëndinë me atë që themi dhe me mënyrën se si sillemi. Në një vend adhurimi, ne tregojmë respekt duke e trajtuar hapsirën si "shtëpi e Perëndisë". (Por kujtoni: Perëndia nuk jeton në ndërtesë;  Ai jeton në njerëzit e Tij!) Disa nga njerëzit në Bibël, që e përjetuan praninë e Perëndisë, ishin Moisiu (Eksodi 3), Pali (Veprat e Apostujve 9:3-8) dhe 5,000 persona Ditën e Rrëshajave (Veprat e Apostujve 2).
    
    
    
    Zbuloni dashurinë dhe planin e Perëndisë për ju

    • Eksodi 3
    • Veprat e Apostujve 9:3-8
    • Veprat e Apostujve 2

  • A duhet ti japim Perëndisë më të mirën nga jeta jonë?

    Gruaja mëkatare e përdori enën me parfum të shtrenjtë për të "vajosur" Jezusin para se të varrosej (Luka 7:44-48). Disa nga dishepujt menduan se kjo ishte humbje parash, por ajo i bëri Jezusit një dhuratë të çmuar. Asgjë nuk ka më shumë rëndësi se sa t'i japim Perëndisë më të mirën nga jeta jonë. Nderojeni Atë dhe vendoseni të parin në gjithçka që bëni (Fjalët e Urta 3:9)
    
    
    
    Zbuloni dashurinë dhe planin e Perëndisë për ju

    • Luka 7:44-48
    • Fjalët e Urta 3:9

  • Çfarë na tregojnë jeta dhe fjalët e Jezusit mbi shërbimin ndaj të tjerëve?

    Kur Jezusi punoi si shërbëtor duke larë këmbët e dishepujve, Ai dha një shembull, që duhet t'iu shërbejmë të tjerëve pa egoizëm.  Në vend që të përpiqemi të jemi gjithnjë "të parët", Jezusi dëshiron të sillemi ndryshe. Ai na mëson që “[m]ë i madhi ndër ju le të jetë si më i vogli dhe ai që drejton, si ai që shërben" (Luka 22:26). Dhe një nga urdhërimet e Tij është: "Ashtu siç kam bërë unë, bëni edhe ju." (Gjoni 13:15).
    Shërbimi shpesh kërkon sakrificë. Kur Jezusi vdiq në kryq për ne, Ai kreu sakrificën përfundimtare. Tek Mateu 20:28 Jezusi tha: “Sepse edhe Biri i njeriut nuk erdhi që t'i shërbejnë, por për të shërbyer dhe për të dhënë jetën e tij si çmim për shpengimin e shumë vetëve.”.
    
    
    
    Zbuloni dashurinë dhe planin e Perëndisë për ju

    • Luka 22:26
    • Gjoni 13:15
    • Mateu 20:28

  • Përse të krishterët marrin Darkën e Shenjtë?

    Njerëzit shpesh harrojnë. Ata i harrojnë gjërat e mira që bëjnë për njëri-tjetrin – dhe ndonjëherë gjërat e mira që Perëndia ka bërë për ta. Duke përdorur bukën dhe verën, Jezusi na la diçka që na ndihmon të kujtojmë vdekjen e Tij sakrifikuese. Kishat e krishtera e festojnë Darkën e Zotit gjatë shërbesave për t'ju bindur urdhërimit të Jezusit për "të përkujtuar" Atë (1 Korintasve 11:24-25).
    Kujtojeni dashurinë e Perëndisë dhe sakrificën e Jezusit sa herë të mundeni. Mësojeni përmendësh dhe kujtoni Gjonin 3:16: "Sepse Perëndia e deshi aq botën, sa dha Birin e tij të vetëmlindurin, që
    kushdo që beson në të, të mos humbasë, por të ketë jetë të përjetshme."
    
    
    
    Zbuloni dashurinë dhe planin e Perëndisë për ju

    • 1 Korintasve 11:24-25
    • Gjoni 3:16