Superlibri

Mësimi:

Luftoni për atë që është e drejtë (për atë që besoni) pavarësisht sa e vështirë mund të duket.

Pjesë shtesë

• Profilet e personazheve

  • Mbreti Dar

    Zbuloni më shumë
    

    Mbreti Dar

    

    Mbreti Dar sundonte në Babiloni dhe kishte mendim shumë të mirë për Danielin (Danieli 6). Megjithatë, shohim që ai kishte mendim shumë të mirë edhe për veten e tij sepse pranoi një dekret që i urdhëronte të gjithë në perandori t'i luteshin atij, ndryshe do të hidheshin në gropën e luanëve. Klikoni këtu për të zbuluar nëse Danieli e zbatoi këtë dekret.

    • Referencat biblike

      • Danieli 6:26-27
      • Danieli 6

  • Këshilltarët tek Mbreti Dar

    Zbuloni më shumë
    

    Këshilltarët tek Mbreti Dar

    

    Po flasim për njerëz keqdashës! Disa nga këshilltarët e mbretit Dar ishin aq të këqij (dhe dinakë) sa bënë komplot ta bindnin mbretin Dar të firmoste një dekret që do t'i lejonte ata ta hidhnin Danielin në një gropë plot me luanë. Por në vend të Danielit, ata përfunduan vetë brenda saj. Klikoni këtu për të parë nëse plani i tyre pati sukses.

    • Referencat biblike

      • Danieli 6:8
      • Danieli 6:1-9

  • Danieli

    Zbuloni më shumë
    

    Danieli

    

    Si një jude i zënë rob në vendin e Babilonisë, Danieli vazhdoi t'i bindej Perëndisë dhe u mbajt tek bindjet ndaj Fjalës së Zotit. Sjelljet guximtare të Danielit tregonin devotshmërinë dhe përkushtimin e tij, duke bërë atë që ishte e drejtë, pavarësisht pasojave. Mësoni më shumë për Danielin dhe dorën mbrojtëse të Perëndisë në jetën e tij këtu.

    • Referencat biblike

      • Danieli 6:4
      • Danieli 1
      • Danieli 2:4
      • Danieli 5
      • Danieli 7

  • Gropa e Luanëve

    Zbuloni më shumë
    

    Gropa e Luanëve

    

    Gropa e Luanëve është pikërisht ashtu siç përshkruhet: një gropë plot me luanë. Në kohën e Danielit, ky ishte vendi ku të burgosurit dënoheshin me vdekje. Danieli u hodh në gropën e luanëve, por klikoni këtu për të zbuluar se kush përfundoi si "ushqim për luanët"

    • Referencat biblike

      • Danieli 6:16
      • Danieli 6:12
      • Danieli 6:17
      • Danieli 6:23

• Video

  Danieli Lutet

  • 

    Danieli Lutet

  • 

    Mbreti Dar

  • 

    Këshilltarët Bëjnë Komplot që Danieli të Arrestohet

  • 

    Vrumbullima e luanit - Poema e Shpëtimit

  • 

    Danieli Brenda në Gropën e Luanëve

  • 

    Danieli Është Gjallë

• P & P

  • Si mund të mësojmë nga Danieli të bëjmë atë që është e drejtë?

    Tek Danieli 1:8 lexojmë që "Danieli vendosi në zemër të tij të mos e ndotë veten". Ne marrim vendime në bazë të asaj që besojmë se është e drejtë. Ja pse është e rëndësishme të dimë se çfarë besojmë dhe pse e besojmë atë gjë. Dhe ju mund ta zbuloni çfarë besoni duke lexuar Biblën. Bibla thotë se "[i] gjithë Shkrimi është i frymëzuar nga Perëndia dhe i dobishëm për mësim, bindje, ndreqje dhe edukim me drejtësi, që njeriu i Perëndisë të jetë i përkryer, tërësisht i pajisur për çdo vepër të mirë" (2 Timoteut 3:16).
    
    
    
    Zbuloni dashurinë dhe planin e Perëndisë për ju

    • Danieli 1:8
    • 2 Timoteut 3:16-17

  • Si e shfaqi Danieli karakterin e tij të perëndishëm?

    Tek Danieli 6:4 ne shohim që prefektët nuk mund të gjenin asnjë arsye për ta kritikuar Danielin. Ai ishte besnik dhe i sinqertë dhe gjithmonë i përgjegjshëm. Perëndia shikon zemrën e një njeriu (1 Samuelit 16:7) dhe karakteri është i rëndësishëm për Të. Perëndia kërkon që ne të bëjmë një jetë të pastër (1 Pjetrit 2:13-16) dhe na urdhëron të shfaqim frytin e Frymës (Galatasve 5:22-26) në jetën tonë. Disa nga vlerat e perëndishme që Danieli shfaqi ishin besnikëria, përgjegjësia dhe besueshmëria (Danieli 6:4). Ai ishte gjithashtu mirënjohës dhe lutej vazhdimisht (Danieli 6:10).
    
    
    
    Zbuloni dashurinë dhe planin e Perëndisë për ju

    • 1 Samuelit 16:7
    • Danieli 6:4
    • 1 Pjetrit 2:13-16
    • Galatasve 5:22-26
    • Danieli 6:10

  • Si na e tregon jeta e Danielit që duhet të luftojmë dhe të veprojmë sipas asaj që besojmë?

    Tek Danieli 6:10 lexojmë që "kur Danieli mësoi që dokumenti [për të mos u lutur askujt tjetër veçse mbretit] ishte nënshkruar, hyri në shtëpinë e vet. Pastaj në dhomën e tij të sipërme, me dritaret e saj të hapura në drejtim të Jerusalemit,  tri herë në ditë gjunjëzohej, lutej dhe falenderonte Perëndinë e tij, siç bënte zakonisht më parë". A nuk është e mahnitshme? Danieli pati shumë besim tek Perëndia dhe bëri me përpikmëri atë që Perëndia i tha, edhe kur gjërat ishin të vështira! Sjellja jonë flet vetë për ne. Ne gjithashtu duhet të besojmë tek Perëndia dhe të luftojmë për atë që besojmë, edhe në kushte të vështira. Po ashtu, Fryma e Shenjtë do të na ndihmojë gjatë kohëve të vështira.
    
    
    
    Zbuloni dashurinë dhe planin e Perëndisë për ju

    • Danieli 6:10
    • Luka 12:12
    • Mateu 10:20
    • Gjoni 14:26

  • A është jeta e Danielit një shembull i mirë që tregon se ne duhet të lutemi?

    Patjetër që po. Tek Danieli 6:10 lexojmë që Danieli "tri herë në ditë lutej dhe falenderonte Perëndinë e tij, siç bënte zakonisht më parë". Tani, tre herë në ditë nuk është ndonjë lloj numri magjik, por është e qartë që për Danielin lutja (biseda me Perëndinë) ishte shumë e rëndësishme. Koha kur bisedonte me Perëndinë ishte e çmuar për jetën e tij. Gjithashtu ishte një rregull për të - ai lutej rregullisht çdo ditë. Në mënyrë që të rritemi si të krishterë, ne kemi nevojë të lutemi, po ashtu të lexojmë Biblën, të meditojmë mbi të dhe këtë ta bëjmë çdo ditë. Duke qenë se Danieli e ruajti marrëdhënien me Perëndinë, ai menjëherë iu lut Atij kur u gjeti veten në rrezik.
    
    
    
    Zbuloni dashurinë dhe planin e Perëndisë për ju

    • Danieli 6:10
    • Luka 6:12
    • 1 Thesalonikasve 5:16-18

  • Si i preku të tjerët integriteti i jetës së Danielit?

    Danieli ishte një njeri me integritet dhe kjo cilësi ndikoi tek njerëzit dhe kombet. Tek Danieli 6:25-26 mbreti Dar u shkroi tërë popujve, kombeve dhe gjuhëve që banonin në gjithë dheun. Ai iu tha atyre që ta nderojnë dhe të kenë frikë nga Perëndia i Danielit, Perëndia i gjallë, mbretëria e të Cilit nuk do të shkatërrohet kurrë dhe Perëndia i Cili kryen mrekulli. Integriteti i Danielit pati një ndikim të vazhdueshëm. Në të njëjtën mënyrë, integriteti ynë mund të ndikojë njerëzit rreth nesh. Mos harroni, Perëndia do t'ju ndihmojë të bëni një jetë me integritet.

    • Danieli 6:25-26
    • Veprat e Apostujve 1:8