Superlibri

Mësimi:

Perëndia na i ka dhënë rregullat që të na ndihmojë dhe të na mbrojë.

Pjesë shtesë

• Profilet e personazheve

  • Moisiu

    Zbuloni më shumë
    

    Moisiu

    

    Nën drejtimin e Perëndisë, Moisiu i nxorri izraelitët nga skllavëria që po përjetonin në Egjipt. Pas kalimit të jashtëzakonshëm të Detit të Kuq, nisi aventura e vërtetë, për të besuar në sigurimin e Perëndisë. Si udhëheqës i izraelitëve, Moisiu u përball me shumë sfida, ku më të mëdhatë ndodhën kur ai mbërriti në Malin Sinai.

    • Referencat biblike

      • Eksodi 3:12
      • Eksodi 16:18-20
      • Eksodi 2:1-10
      • Eksodi 3:12
      • Eksodi 16
      • Eksodi 18
      • Eksodi 19:6
      • Eksodi 20
      • Numrat 20:1-13
      • Ligji i Përtërirë 33:1-29
      • Ligji i Përtërirë 34:1-8

  • Aaroni

    Zbuloni më shumë
    

    Aaroni

    

    Aaroni ishte vëllai i Moisiut. Kur Perëndia e thirri Moisiun që të nxirrte popullin e Izraelit, Aaroni u bë "zëdhënësi i tij zyrtar". Aaroni më pas u bë prifti i parë i izraelitëve, por fillimet e shërbesës së tij ishin të dyshimta. Ai iu nënshtrua kërkesës së izraelitëve për të adhuruar një viç të artë. E dimë që po mendoni: "Një viç të artë?", por është e vërtetë.

    • Referencat biblike

      • Eksodi 7:1
      • Eksodi 6:23
      • Eksodi 7:8-20
      • Numrat 17:1-10
      • Eksodi 28
      • Numrat 20:22-29

  • Zakaria

    Zbuloni më shumë
    

    Zakaria

    

    Zakaria është një shok imagjinar që rri me Krisin, Xhoin dhe Gizmon gjatë udhëtimit të tyre në malin Sinai. Përveçse bëhet shok me grupin, ai gjithashtu zbulon manën nga qielli për Izraelitët.

    • Referencat biblike

      • Psalmet 78:24

• Video

  Dhjetë Urdhërimet - Poema e Shpëtimit

  • 

    Dhjetë Urdhërimet - Poema e Shpëtimit

  • 

    Moisiu

  • 

    Aaroni

  • 

    Zoti Shfaq Veten

• P & P

  • Si mund të besoni që Perëndia do të sigurojë për nevojat tuaja, siç bëri për Izraelitët në shkretëtirë?

    Një nga emrat e Perëndisë është "Jehova Jireh" që do të thotë "Perëndia do të sigurojë”. Kjo nuk do të thotë se Perëndia do t'ju japë çdo gjë që dëshironi (Ai është Perëndia – jo një xhind në shishe), por Ai do të sigurojë për nevojat tuaja. Perëndia premton të sigurojë për ata që e duan dhe i binden Atij. Ne mund ta besojmë këtë sepse Ai e mban gjithnjë premtimin e Tij. Tek Filipianët 4:19, apostulli Pal shkroi që: “[D]he Perëndia im do të plotësojë të gjitha nevojat tuaja sipas pasurisë së tij në lavdi, në Krishtin Jezus.”. Në vend që të ankoheni dhe të jeni urdhërues, besoni që Perëndia do të sigurojë për nevojat tuaja. Ai është gjithnjë besnik!
    
    
    Zbuloni dashurinë dhe planin e Perëndisë për ju

    • Zanafilla 22:14
    • Filipianëve 4:19

  • A duhet vërtetë që Perëndia të jetë i pari në jetën tuaj?

    Perëndia i dha popullit të Izraelit (dhe neve) Dhjetë Urdhërimet për t'i ndihmuar dhe mbrojtur ata. Urdhërimet e para kanë të bëjnë me marrëdhënien e Perëndisë me popullin e Tij, si në komunitet edhe individualisht. Kjo do të thotë: “Vendosni Perëndinë të parin”. Perëndia dëshiron të jetë numri një në jetën tuaj. Bëjeni Atë personin më të rëndësishëm të jetës suaj. Kur Jezusin e pyetën se cili ishte urdhërimi më i madh, Ai tha: "Duaje Zotin, Perëndinë tënd, me gjithë zemrën tënde, me gjithë shpirtin tënd dhe me gjithë mendjen tënde.” (Mateu 22:37). Ky është çelësi i ligjeve të Perëndisë dhe i mësimeve të Jezusit.
    
    
    Zbuloni dashurinë dhe planin e Perëndisë për ju

    • Mateu 22:37

  • Përse është e rëndësishme t'i ndjekim udhëzimet e Perëndisë?

    Një tren, që qëndron në shina, është i lirë të ecë me shpejtësi dhe të bëj atë për të cilën është krijuar. Kur nuk ka shina, treni nuk mund të shkojë asgjëkundi. Udhëzimet e Perëndisë për jetën janë si shinat. Po i ndoqëm, do të përjetojmë liri dhe përmbushje, dhe do të jetojmë ashtu si Perëndia na ka krijuar të jetojmë. Vendoseni Perëndinë të parin dhe ndiqini udhëzimet e Tij për jetën.
    
    
    Zbuloni dashurinë dhe planin e Perëndisë për ju

    • Eksodi 20:1-18

  • Çfarë mund të mësoni nga mënyra se si Aaroni iu përgjigj Moisiut, pasi kishte bërë viçin e artë?

    Edhe pse Aaroni u tha njerëzve t'i jepnin atij unazat prej ari, ai u justifikua dhe madje e gënjeu Moisiun kur u përball me të. Ai nuk mbajti përgjegjësi për veprimet e tij. Izraelitët u treguan të paduruar dhe nuk iu bindën Perëndisë. Pasojat e mëkatit të tyre ishin shumë të rënda. Sidoqoftë, Perëndia na do aq shumë sa, në vend që të na ndëshkojë për sjelljet tona të gabuara, bëri një rrugë për ne që të merrnim faljen – Jezusi e mori ndëshkimin për mëkatin tonë kur vdiq në kryq. Ju duhet të mbani përgjegjësi për sjelljet tuaja dhe të rrëfeni mëkatet. Perëndia ka premtuar të të falë nëpërmjet Jezus Krishtit. Perëndia është një Perëndi i dhembshur dhe i mëshirshëm, i ngadalshëm në zemërim, i pasur në mirësi dhe besnikëri. Në Bibël mund të mësoni gjithashtu për gabimet e njerëzve me qëllim që ju të mund t'i shmangni të njëjtat gabime në të ardhmen.

    • Eksodi 32:22-23
    • 1 Gjonit 1:9
    • Eksodi 34: 6

  • Si mund ta ndryshojë jetën tonë koha që kalojmë me Perëndinë (siç bëri Moisiu)?

    Koha që kalojmë me Perëndinë na ndryshon. Për Moisiun, fytyra e tij u bë e shndritshme. Qëndrimi në praninë e Tij, lutja, bisedimi me Të, leximi i Fjalës dhe gjërat që mësojmë për Të na ndryshojnë nga brenda. Ne jemi të mbushur me Frymën dhe dashurinë e Perëndisë, dhe Ai na jep fuqi, forcë dhe urtësi për ta jetuar çdo ditë për Të: “Dhe ne transformohemi në të njëjtën shëmbëllim nga lavdia në lavdi, posi prej Frymës së Zotit” (2 Korintasve 3:18). Ndërkohë që kaloni kohë me Perëndinë, Ai do t'ju ndryshojë së brendshmi dhe ju do të bëheni gjithnjë e më shumë si Ai dhe karakteri i Tij.

    • Eksodi 34:29
    • 2 Korintasve 3:18